家居風水風水勘察

【裝修風水學】兒童房風水話你知(上)

兒童房需要空間,不可裝潢得太複雜,傢俱亦不宜太龐大。兒童房係兒童私有空間,要令兒童健康成長且能夠獨立,減少依賴性,可設有一張細枱或細儲藏櫃等,櫈佢地自己動手整理。

 

兒童房顏色風水

兒童房內部顏色對小朋友心態有重要影響,首先色澤要淡雅,不可用太刺眼嘅大紅大紫色,避免刺激小朋友,亦忌用黑色及純白色,淡藍色為底點綴一D草綠、明黃、粉紅色澤則較好,取得和諧效果。兒童房裡一般都會有掛畫,圖畫對佢地成長影響好大,首先牆面上圖畫應以自然正面內容為主,不宜掛鐵甲戰士、濃妝豔抹明星圖畫,亦唔好掛神像等。因為會容易令佢地耳濡目染,性格易變得過於早熟,不利其自然成長。

兒童房床位擺放風水

兒童床嘅床頭朝東或東南位較好。因為東及東南位五行屬木,利於成長,對小朋友身高同健康頗有益處。但如果小朋友夜間難以入眠,則可選較為平靜嘅西面或北面。而床頭朝向南面會導致小朋友容易脾氣急躁、東北會容易導致粗心大意、西南會容易導致膽小拘束、西北會容易導致過於早熟,最好要謹慎選擇,因為呢幾個位置對佢地成長都不利。

 

兒童房方位風水

如果係男仔,睡房最好選係東面同北面,北面係文曲星方位,亦代表水,水主聰明,應該選擇係北面同東面。如果係女仔,咁第一個選擇係以東南面為主,東南方亦係文昌位,文昌位利於學習,利於智慧,主聰明、智慧,將來可能成為才女,多才多藝。

 

(文:巨龍)

(以上圖片均來自網路,如有任何版權問題,請與本站聯絡)

來源文章: http://yes-news.com/66038/%E8%A3%9D%E4%BF%AE%E9%A2%A8%E6%B0%B4%E5%AD%B8%E5%85%92%E7%AB%A5%E6%88%BF%E9%A2%A8%E6%B0%B4%E8%A9%B1%E4%BD%A0%E7%9F%A5%E4%B8%8A

 979 Posts 0 Comments 420849 Views

發表迴響